Ove greške pravimo pred svaku Novu godinu i uvijek kažemo da više nećemo

Nova godina za mnoge je simbol novog početka, velikih odluka i još većih očekivanja. Ipak, iz godine u godinu ponavljamo iste greške, iako se svaki put zakunemo da ćemo ‘ovaj put drugačije’, a ako vam je ovo poznato, vjerujte, niste jedini.

Trošimo više nego što imamo

Doček, garderoba, pokloni, putovanja… U želji da Nova godina bude „posebna“, često zaboravimo na realnost.

„Ma jednom se živi“, kažemo sebi, a već u januaru se pitamo – kako dalje?

Obećavamo sebi nemoguće

„Od 1. januara krećem u teretanu“, „Više ne jedem slatko“, „Mijenjam cijeli život“. Lista je duga, ali entuzijazam kratkog daha.

Problem nije u željama, već u prevelikim očekivanjima preko noći.

Doček koji ne želimo, ali „moramo“

Idemo tamo gdje se „ide“, sa ljudima koje ne bismo sami birali. A, često je najljepši doček upravo onaj bez gužve, bez forsiranja i bez očekivanja.

Mislimo da će se sve promijeniti preko noći

Nova godina jeste novi početak, ali nije čarobni štapić. Promjene dolaze korak po korak, a ne tačno u ponoć.

Možda greške i nisu toliko loše jer nas svake godine podsjete da smo ljudi. A ako bismo ove Nove godine uspjeli makar jednu da izbjegnemo, možda bi to već bio veliki uspjeh.